galego*castellano*english*english
localización produto do eume Diputación Coruña Leader Plus Euroeume
novas
novas euroeume
pagina anterior páxina 8 de 10 pagina siguiente
04/06/2008
O pasado Luns 26 de Maio tivo lugar no local de Euroeume a primeira reunión da "Mesa sectorial de Cooperación Euroeume". Nesta reunión realizouse en primeiro lugar unha valoración da recente viaxe a Jujuy e Tarija, no marco do proxecto de cooperación transnacional "Tejiendo Redes". Posteriormente os técnicos de Euroeume informaron das conclusións dos Talleres de Traballo expostos na última reunión de "Tejiendo redes", celebrada en Segovia. Por último tratouse a necesidade de crear ferramentas que faciliten o traballo da mesa e a comunicación con América Latina e o resto dos grupos de desenvolvemento que participan neste proxecto. Neste ámbito acordouse crear un blog, http://euroeume.blogspot.com, no que se publicarán novas relacionadas co proxecto e co universo da axuda á cooperación.

Ler máis
04/06/2008
Este espazo nace como resposta ás demandas das persoas que participan nesta Mesa Sectorial, de cara a mellorar a comunicación entre os diferentes Grupos de Desenvolvemento involucrados no proxecto Tejiendo Redes, e tamén para facilitar a participación e o intercambio de ideas cos Grupos asociados a este proxecto en América Latina.

O enderezo deste blog é:
http://euroeume.blogspot.com

Ler máis
29/05/2008
Nas sextas xornadas “Os impactos dos Grupos de Acción Local no Desenvolvemento Rural”, o Conselleiro resaltou a importancia da Iniciativa Leader para mellorar a calidade de vida e a dinamización nas zonas rurais.

Estas xornadas, que contaron coa presencia de mais dun centear de persoas, celebráronse o pasado 21 de maio en Santiago e foron organizadas pola Asociación Euroeume en colaboración con outros cinco grupos de desenvolvemento galegos no marco dun proxecto de cooperación que tivo como obxectivo realizar unha avaliación dos traballos realizados durante o periodo de vixencia do Programa Leader +.

Ler máis
15/05/2008
A Asociación Euroeume participa nun proxecto de cooperación con outros 5 grupos galegos que ten por obxectivo avaliar os resultados do programa de desenvolvemento rural nos territorios.

O vindeiro mércores 21 de maio, en Santiago de Compostela, terá lugar a xornada final do proxecto de cooperación, baixo o lema “Os Impactos dos Grupos de Acción Local 2000-2006”, na que se presentarán os resultados do proxecto. Estes resultados recolléronse nunha publicación que se distribuirá a todos os socios da entidade.


Ler máis
15/05/2008
A Asociación Euroeume, no desenvolvemento da marca Eumeturismo, que abarca os Concellos de Cabanas, A Capela, Moeche, Monfero, Pontedeume, As Pontes, San Sadurniño, As Somozas e Vilarmaior, convoca prazas de "GUIA TURISTICO".

Ler máis
05/05/2008
Entre o 26 de Febreiro e o 4 de Abril un grupo de 6 persoas de diferentes entidades asociadas a EuroEume participaron nun encontro de cooperación en Arxentina e Bolivia no marco do proxecto Tejiendo Redes.
“O proxecto Tejiendo Redes pretende establecer relacións de cooperación entre asociacións de desenvolvemento rural da península ibérica e latinoamérica”.



Ler máis
13/03/2008
A Asociación de Artesáns do Eume, en colaboración co Centro de Interpretación das Fragas do Eume, organizan estas xornadas de promoción da artesanía do territorio entre o 18 e o 23 de marzo, coincidindo coas vacacións de Semana Santa.

Cada un destes días contará con duas exposicións individuais, unha matutina, a partir das 12 e outra vespertina, a partir das 17 horas. Nestas exposicións mostraranse os traballos que realizan os diferentes artesáns participantes: Canteiros, torneiros, cesteiros, bordado e encaixe, ... . Ademais cada artesán participante explicará os métodos que empregan para elaborar esas pezas apoiándose en medios audiovisuais e fotográficos.

A xornada de clausura realizarase o domingo 23 de marzo, cunha exposición conxunta de todos os artesáns presentes nesta asociación.

Ler máis
20/02/2008
Unhas 50 persoas asistiron á xornada, organizada, o pasado sábado 23 de febreiro, por Euroeume na Casa da Cultura da Capela. A xornada, presentada por Rubén Lois, Director Xeral de Turismo, Anxo López Sueiro, Alcalde da Capela, e Xosé Castro, Presidente de Euroeume, versou sobre o “Desenvolvemento Turístico e os Grupos de Desenvolvemento Rural”. Esta xornada foi a terceira dunha serie de seis, organizadas no marco dun proxecto de cooperación de seis Grupos de Desenvolvemento galegos para avaliar os traballos realizados durante o periodo 2000-2007.

Ler máis
13/02/2008
Catro representantes da Asociación Euroeume participaron os días 8, 9 e 10 de febreiro no V Encontro Universidade Rural Paulo Freire realizado no albergue rural Balcón en Cerezo de Abajo, Segovia. No programa de traballo recollíase entre outros obxectivos perfilar propostas, actuacións e compromisos de cara a continuar na construcción do proxecto educativo da universidade rural a nivel estatal.

Ler máis
12/02/2008
O 12 de febreiro celébrase, no Concello de San Sadurniño e organizado pola Asociación Euroeume no marco da Axenda 21, unha xornada sobre presupostos participativos destinada aos equipos de goberno dos Concellos de A Capela e San Sadurniño.



Ler máis