galego*castellano*english*english
localización produto do eume Diputación Coruña Leader Plus Euroeume
novas
novas euroeume
pagina anterior páxina 7 de 10 pagina siguiente
11/03/2009
O vindeiro 13 de Marzo, no concello de San Sadurniño, a partir das 16:00 horas, realizarase a plantación de 242 frutais autóctonos e antigos, que resultan de alto interese e que tanto desde o Concello, como desde a Asociación Galega da Froita Autóctona do Eume, creen que é de vital importancia conservar. Plantaranse árbores de 58 variedades de maceiras, 36 variedades de pereiras, 10 variedades de ameixeiras, 16 variedades de cerdeiras y 1 variedad de pexegueiro.

Nesta Horta de Conservación está previsto chegar, ao final da plantación, aos 500 frutais cun total aproximado de 250 variedades. Para esta iniciativa o Concello poñerá a disposición unha finca de 1 hectárea, situada no núcleo principal de San Sadurniño e a carón do Centro de Día que actualmente está a construír o Consorcio Galego de Benestar.



Ler máis
09/03/2009
A lista dos currículums admitidos para o proceso de selección de Euroeume xa está colgada na sección de Descargas/documentos.
A proba de aptitude e coñecementos realizarase o venres, 13 de marzo, no local da Asociación.
22/02/2009
O día 23 de febreiro ábrese o prazo de dez días para presentar candidaturas ao proceso de selección do equipo técnico para a xestión do programa Leader 2007-2013. As bases pódense descargar desta páxina.

Ler máis
05/02/2009
O xoves 5 de febreiro, no Centro de Maiores de Pontedeume, ás 20.30 horas realizarase o acto de presentación do libro no que se recollen as principais conclusións deste estudo, así como o plan proposto pola Consultora Proxectos para conseguir mellorar a situación do comercio polo miúdo no territorio.


Aquelas persoas interesadas en obter un exemplar deste estudo poden contactar coa Asociación Euroeume a través do teléfono, ou do formulario de contacto que figura nesta páxina web.

Ler máis
30/01/2009
O Concello de San Sadurniño desenvolveu durante 2008 o proxecto Residuos e sustentabilidade en San Sadurniño. O seu obxectivo principal era a realización de actividades de educación para a sustentabilidade de cara á concienciación do conxunto da poboación do Concello sobre a importancia da minimización da produción de residuos e da súa correcta xestión. Polo tanto ía dirixido ó conxunto da poboación municipal, cun claro carácter interxeracional.

As actuacións realizadas foron en primeiro lugar o deseño e redacción dunha serie de folletos informativos relacionados coa xestión do lixo. Posteriormente estes folletos foron entregados, en man, no conxunto dos domicilios do Concello, casa por casa. Asemade, coa visita aproveitouse para realizar unha enquisa que contiña preguntas sobre os problemas ambientais e o estado do contorno natural, así como outras relacionadas coas novas tecnoloxías.

Agora, o Concello de San Sadurniño convida ós veciños e veciñas e outras persoas interesadas á Xornada que organiza para presentar as conclusións desta campaña e da enquisa efectuada, e compartir co conxunto da cidadanía esta interesante experiencia.

Entón, o obxectivo da xornada é o de afondar na concienciación sobre a correcta xestión do lixo nos concellos, e os beneficios que isto producirá tanto na administración local como na calidade de vida do conxunto da cidadanía.

Ler máis
27/01/2009
A Asociación considera “alonxada das expectativas” a dotación económica concedida para o periodo 2.007-2.013. Coa firma do convenio arranca un novo ciclo de axudas a proxectos no territorio.

O programa de desenvolvemento rural neste territorio presentouno a Asociación EuroEume e correspondeulle unha dotación inicial de 3.454.796 euros.
Esta cantidade foi calificada por responsables de EuroEume como de insatisfactoria, xa que dista de cumplir as expectativas da Asociación. Así solicituose unha reunión co Director Xeral de Agader para ver cales foran as causas do baixo nivel de financiación do proxecto. No transcurso da reunión o Director Xeral xustificou a dotación recibida na superficie e poboación do territorio, si ben recoñeceu que non se tivo en conta a experiencia na xestión en anteriores programas de desenvolvemento, o cal houbera significado un maior recoñecemento e financiación.
En reunión da Xunta Directiva, celebrada o pasado dia 12 de Xaneiro en Pontedeume, acordouse solicitar a Agader a documentación relativa ao proceso de selección por si houbera algún erro, xa que a resolución parece non axustarse estrictamente aos criterios contidos na convocatoria.



Ler máis
30/12/2008
O día 29 de decembro a Consellería de Medio Rural fixo pública a resolución sobre as candidaturas do Programa Leader para o periodo 2008-2013.

Para aquelas persoas interesadas en coñecer a resolución publicada por AGADER poden descargala seguindo este enlace á páxina de AGADER:

AGADER



11/11/2008
O vindeiro 13 de novembro, o Concello de San Sadurniño, coa axuda Consellería de Traballo da Xunta de Galicia, organiza unha xornada de difusión sobre a creación e funcionamento de cooperativas.

Esta acción está destinada a todas aquelas persoas emprendedoras que queiran coñecer como se crea e como funciona unha cooperativa.


Ler máis
08/10/2008
TALLER DE CANTEIRIA

Datas: 7, 8, 9, 14, 15, 16, 21, 22 e 23 de novembro de 2008
Horario: venres de 16:30 a 20:30 / sábados: 10:00 a 14:00 – 16:00 a 19:00 / domingos: 10:00 a 14:00
Lugar: Taller de Canteiria. Polígono dos Airios nº40. As Pontes. A Coruña
Impartido por: Cesar Dapena Pichel, Canteiro e Escultor
Número de Horas: 45 horas
Número de Prazas: 8 prazas
Dirixido a: maiores de 18 anos
Prezo: para un grupo de 8 persoas máximo: 290 €/ persoa



CURSO DE TORNERIA DE MADEIRA


Datas: 8, 15, 22 e 29 de novembro e 13 de decembro de 2008
Horario: sábados: 10:00 a 14:00 – 16:00 a 20:00
Lugar: Obradoiro Taxus. Vilamateo, Liñares, nº27. Vilarmaior. A Coruña
Impartido por: Xavier Martín, Torneiro
Número de Horas: 40 horas
Número de Prazas: 10 prazas
Dirixido a: maiores de 16 anos
Prezo: para un grupo de 6 a 10 persoas máximo: 290 €/ persoa
para un grupo de ata 5 persoas máximo: 345 €/ persoa




Organiza: UR do Eume
Colabora: Asociación Euroeume / Asociación Artesáns do Eume

Máis información nos teléfonos:
981 440668 / 981 440729

Tamén se poden descargar as fichas de inscrición desde esta mesma páxina.

Ler máis
10/09/2008
O Concello de San Sadurniño, en colaboración coa Asociación Euroeume, e como continuación aos traballos realizados no marco da Axenda 21, vai desenvolver e regulamentar de maneira pioneira os Orzamentos Participativos no contexto galego. Neste proceso a veciñanza decide como se empregará
unha parte do diñeiro público, neste caso para o ano 2009.

Nesta páxina podes descargar os documentos que explican as bases reguladoras do proceso e a ficha para presentar as túas propostas.

Ler máis