No mes de febreiro puxéronse en marcha os servizos de asesoramento contemplados no Proxecto Ecoeume. Trátase de dous servizos diferenciados; o primeiro céntrase no asesoramento en materia medioambiental para as PEMES da zona, mentres que o segundo ten como obxectivo apoiar aos emprendedores que vaian crear empresas relacionadas co sector ambiental (enerxías renovables, xestión de residuos, educación ambiental, etc)

As persoas interesadas poden dirixirse as oficinas da Asociación Euroeume, situadas na Rúa Capela, 21. As Pontes.

A Fundación Biodiversidad, dependente do Ministerio de Medio Ambiente, Rural e Marino (MARM), deu a coñecer o pasado 24 de xullo os proxectos aprobados na convocatoria do programa empleaverde 2009. Entre os proxectos aprobados está EcoEume, presentado pola asociación EuroEume co obxectivo fundamental de contribuir ao desenvolvemento sostible do territorio.
Para acadar este obxectivo realizaranse diversas actuacións que xa estaban contempladas no Plan de Acción territorial derivado da posta en marcha da Axenda 21 territorial, e que contempla a aposta, entre outras cousas, pola mellora na xestión de residuos, a eficiencia enerxética e a realización de campañas de sensibilización en educación ambiental.